> Schwäbischer Weib'r Power <,> SWR-Sendung-Hörerwünsche<,

> Boschd <,> Zwoi Noachbr < ,> Dr Friedr ond sei Knechd <

Schwäbischer Weib'r Power

Deam sei A'macherei goahd ra schoh g'waldig uff dr Zoigr,desweaga lessd se amohl so richdig dr Rauch nai !
Ond so schreid se: du bleed'r Kärle du bleed'r ! "Woischd was me kaaschd", dr Buggl naa rudscha, kaaschd mr !
Schwädz bloos ed emmr so gschwolla an me na ! Du moinschd wohl,du kriagschd wohl jeda rom ? Abr do hosch de fai bei mier schao g'waldig gschnidda,so laufd des fai ed ! "I warn de"! Treib mr's ed uff'd Schbitz ond lass mr fai bloos mei Ruah ! Dei A'macherei hand mr schoh lang zom Hals raus ! Schdad ond landbekannd bischd,"weaga deira rom Huarerei ond deira rom Sauferei,ausgschissa hoschd bei mr,daß da dees fai bloos amoal woischd ! I saags dr,gang mr en Zuakonfd aus de Auga ond mach mr jo en graußa Booga om me rom,sonschd schdaubd's fai no amoal granadamäßig zwischa os zwoi !
So ond etzd guggschd fai ganz schnell, dass da Land g'wendschd !

SWR-Sendung-Hörerwünsche

a,hier isch dr Schorschle vom Butzbach,ond mid weem schbrech i biddeschöön ?
Sie sind in der SWR-Sendung-Hörerwünsche
Soo,soo,jo Sia,do hau e au grad na wella,etzd ben e do jo endlich an dr richdiga Schdell !
Was haben Sie denn für einen Hörerwunsch ?
Dees sag e Eahna nochher,z'erschd mechd i Eahne bloß amoal sa, schwätzed Se doch ed sovil en deara Sendong, leagad Se doch liabr glei a gscheida Mussig auf !
Ja Schorschle,was ist denn eine gescheite Musik ?
Wissad Se,ebbes gscheids isch oifach ebbes gscheids ond et so a Glomb was Se do manchmoal druffleaged !
Ja aber Schorschle,die Musik in unserer Sendung bestimmen doch unsere Zuhörer !
Jo mai Godd,no hend Se hald ed de richdige !
Ja Schorschle,nun sagen Sie mir doch endlich Ihren Musikwunsch !
Uff älle ebbes reachds,sonschd liabr gar nex ! O,je o,je i glaub dees Telefonad hot ibrhaubd nex gnitzd.
Also adele,i leg etzd auf,i hau neemlich gnuag gschwätzd !

Tut... Tut...Tut...Tut...Tut......

 S'Telefo en dr Boschd schellad

Drrr....Drr....Drr....Dr....Dr....
Ha griaß Good,hiear isch d'Boschd en Buxhausa,dr Schorsch isch am Abberaad !
Waas moinad Se ? Waas wellad Se ? A'soo,Sia wellat Geld a'holla,ha ja do miaßad se hald vrbei komma !
Sia,i ka Se grad schleachd vrschdau ! Wissad Se,do henna send a baar Weibr ond dia send reachd laud,schbrechadse bidde a gleis bissle lautr !
Dr Schorsch schreit en da Boschdraum nai:
"Sabbrlodd abr au,g'hennet r et a bissleleisr sei,mr vrschdoaht ja ibrhaubd nex mai am Telefo"!
Ja,ja Schorsch,s'isch schau guad,mr send a bissle leissr !
Also biddeschee,nomoal ! Se miasd endschuldiga,mr vrschdoahd faschd nex mai do henna. "Was hend Se gsaid?"
A'soo,Sia wellad Boschdsegg a'holla,haja,do kommad se am beschda so omma halb zwelfa rom,wissad Se om dui Zeid ischs a bissle ruigr.
"Was hend Se gsaid?
Dees bassd Eahne brima,jo mier au ! Also adee dr'weil,bis noachher !

So Frieda ond Martha etzd miaßad mr gugga,daß mr langsam ferdich werrat midanandr,weil noachher kommd dr Dransborder ond hollet d'Geldsegg aa.
Pengdlich kommd des Audo ond hält vor dr Boschd,a baar Männr schdeigad aus ond saget zom Schorsch:"Mir send dia Männr,mo s' Geld aholla sollet!"
"Ja wia",said dr Schorsch,bei dr Boschd geits scheins au emmr effdrs nuie Gsichder,i kenn eich ja no gar net!
"Ja,d'Kollega send ausgfalla ond mir sendeigschbronga!"
Ja ,said dr Schorsch,"eire Segg hau i scho na grichdet,do schdandet se,do miaßadr no bloos no dees Formular undrschreiba ond no g'hennat r eipagga"!
Au hald,siad dr Schorsch,do felld mr no ebbes ei,guggat amoal do na,an deane Segg send wohl nuie Sichrhaitsvrschliss dra,do muaß mr scheins aufbassa ond a Telefo isch au no dr bei,denn wenn r bei dr näggschda Boschd send,no miaßad r kurz bei mr arufa,daß i woiß ,daß älles ok isch.Mo r obedengd no druff achda miaßt,isch dees,daß r am Telefo et an dean rauda Gnobf na kommad,denn der hot scheins ebbes mid dr Sichrheid zom doa.
Dr Schorsch hairt a ganza Zeid nex mai von deane,dia mo dia Segg a'ghollet hend,deswega ruafd r aa:"Ja wia,waas isch denn,ja mo sendr denn"? "Ja wiaso ruafet r denn et a"? "Mensch Mair,glei muaß e d'Boschd zua macha ond von uich hairt mr nex,et amoal Bscheid kriagd mr,daß älles ok isch,ha so ebbes,dees goaht fai au et,dees will i eich fai bloos gsaid hau"!
Ja,Mensch Maa,miir hend Pech g'het,mir schdandad middla em Wald!
"Soo,soo,ond was dendr do"? Ha mir wellad grad gugga was en de Segg drenn isch!
"Au",said dr Schorsch,dees goahd fai et so oifach,dees hengdmid deara audomadischa Schberre zamma,wenn r uff dean rauda Gnobf am Telefo druggaf,ka mr's efendwell lösa !
"Dangge,du Allmachdsdroddl",mir send Boschdraibr !
Dr Schorsch hairt durchs Telefo en ohrabeteibenda Knall ond said zor Martha ond zor Frieda,"i glaub i han meine Boschdsegg a baar Boschdraibr mid gea"!
Dees wared welche ,dia hend me raileaga wella ! "Ha sotte jeses Zigeinr so elende,ha daß es dees ibrhaubd geit ! Gott sei Dang ,hend onsre nuie Sichrhaitsvrschliss fongzionierd,denn i glaub etzd hemmr zwoi Boschdraibr wenigr.
"So etzd muaß e no gschwend d'Bolizei vr schdäniga ond no isch Middag !

Zwoi Noachbr

Dr oine Noachbr goaht am andra vrbei ond said ed amohl mai "Guada Daag"!Dees machd deam oina so zom schaffa,daß r zo saim Weib said:"Ha,so ka dees doch nemme weidrgau,do muaß etzd ebbes bassiera,der saudomme Sembl kriagd jo eddamoal mai sai Gosch auf,woiß dr Deifl was en dean naigfahra isch ond i komm deswega faschd nemme en Schloaf".
"Ha",said deam oina sei Marie,"wenn dear morga am Haus vrbei kommd dät me oifach amoal en da Weag schdella ond dät zo em sa,daß a Brobleem hosch ond obr dr ed helfa ka"!
Am andra Daag wardet dr oine scho uff sein Noachbr,ond r schdellt em sich en da Weag."Wa witt",froagt ganz kurz abonda sai Noachbr.
"Du,i brauch o'bedengd dei Hilf"! "Soo,ond worom "? "
"Hmm i hau en dr ledschda Zeid so Schwierigkaida mid meine Zeeh;sag mr doch amoal d'Adress von deim guada Zaaharzd"!
"Woher woischd du ibrhaubd,daß der guad isch"?"Jo",schmonzld dr oine,"daß der guad sei muaß hann e graad gmergd"!
"Ja wia sooo etzd au"?
"Ha,weil etzd endlich wiedr so weid bischd,daß dei Gosch aufkriagschd,hoffentlich bleibd dees etzd au a Weile soo,no g'hennte neemlich endlich wiedr ruihigr schlofa"!

Dr Friedr isch a Baur

Dr Friedr isch a Baur,also oinr der mo en Landwirdschafdlicha Bedrieb hot,ond wia faschd jedr Baur,hot'r nadirlich au en Knechd,mid dem'r sich hald ab ond zua au amol a bißle rom ärgra muaß.

Ond etzd isch amol wiedr so weit:
Dr Friedr schdohd en dr Schduub ond guggd aus em Fenschdr naus en da Hof aare,"do donda schdohd sei Knechd,hot da Bessa en dr Hood ond guggd bleed en dr Gegend rom.
Dr Friedr brabbled en dr Schdub ebbes voar sich na,sei Marie en dr Kiche hairt en ond schreid aus dr Kich naus "Jo Friedr was isch denn"?
"Ha etzd komm doch abr amoal doher ond gugg dr dees a,do schdohd der saudomme Sembl von Knechd do honda em Hof rom,hot dr Besa en dr Hood ond guggd bleed en dr Gegend rom".
Jo Hailigsblechle nai abr au,môh geits denn so ebbes"!
"Oh Marie;i hau mr do viilleichd so en dauba Dengler ei'ghandld,deer isch doch z'reinschde Arbeidrdengmal ! Nix wia romärgra muaschd de mid deam Kerle;i glaub,dean jage bald wiedr zom Deifl"!
Marie ! Odr wa moinschd du ? "Ha Friedr,etzd sei doch ed glei so wiaschd,dr Knechd wird dr dein Hof heit scho no saubr macha,deswega brauchd mr doch ed glei so narrad werra,bloß weil dear etzd do honda a bissle romschdohd ond a bissle en dr Gegend romguggd"!
Do driba ,do gugg nomm,do schdohd dr Frieda iahra Maagd ond wen'r dui siaht,do lässd'r sowiso älles falla ond liega.